БНСУ-ын PiBot робот нь онгоцыг хүнээс илүү сайн жолоодож чадна
Мэдээ

Энэхүү робот нь Jeppesen компанийн бүх навигацийн бүдүүвчийг цээжлэх чадвартай, маш сайн санах ойтой бөгөөд энэ нь хүний чадвараас илт давсан үзүүлэлтийг үзүүлж байна.
Сүүлийн жилүүдэд хиймэл оюун ухаан (AI) болон робот технологийн хөгжил нь өндөр хэмжээнд хүрч байгаа бөгөөд мэргэжилтнүүдийн таамаглаж буйгаар тус технологиуд удахгүй ихэнх мэргэжлийг орлох магадлалтай гэж үзэж байгаа юм.
Солонгосын дэвшилтэт технологийн хүрээлэнгийн (KAIST) инженер, судлаачдын баг одоо онгоцны бүхээгийг тэр чигт нь өөрчлөх шаардлагагүйгээр онгоцыг жолоодож чаддаг хүн дүрст роботыг бүтээж байна.
KAIST компанийн цахилгаан инженерийн тэнхимийн туслах профессор Дэвид Шим Евроньюс агентлагт өгсөн ярилцлагадаа "Пибот нь бүхээгийн бүх удирдлагыг удирдаж, онгоцыг хүн шиг жолоодож чаддаг хүн дүрст робот юм." хэмээн дурджээ.
Онгоцны гадна талын камерууд нь PiBot-д хөлөг онгоцны тухайн үеийн бүх нөхцөл байдлыг хянах боломжийг олгодог бөгөөд дотоод камерууд нь хяналтын самбар дээрх үндсэн удирдлагуудыг ажиллуулахад тусалдаг байна.
Тус робот нь янз бүрийн хэл дээрх хамгийн нарийн төвөгтэй зааварчилгаануудыг цээжлэх чадвартай тул төрөл бүрийн загварын нисэх онгоцонд шууд ашиглагдахад боломжтой юм.
Түүний санах ойн багтаамж маш том тул дэлхийн өнцөг булан бүрээс Jeppesen нисэхийн картуудыг өөртөө багтаан, бүрэн дүүрэн ашиглах чадвартай. Хүн ийм их мэдээллийг санаж чадахгүй тул энэ удаагийн оноо роботын талд орж байна.
"Хүмүүс олон онгоцоор нисэж чадна, гэхдээ тэдэнд зуршил бий. Тиймээс тэд өөр онгоц руу шилжих гэж оролдохдоо дахин сурах шаардлагатай болдог. Үйлдлүүдийг автоматаар хийх нь тийм ч амар биш" гэж Шим тайлбарлав.
Эх сурвалж: Euronews