Путин НАТО-д халдахгүй ч Украин руу илгээх F-16 сөнөөгч онгоцтой баазууд руу довтолно гэв
Мэдээ

ОХУ-ын Ерөнхийлөгч Владимир Путин НАТО-ийн гишүүн орнуудад халдахгүй ч Украин руу илгээхээр төлөвлөсөн F-16 сөнөөгч онгоцтой баазууд руу нь довтлохоо мэдэгджээ.
Тодруулбал тэрбээр Украин руу илгээх гэж буй АНУ-д үйлдвэрлэсэн F-16 сөнөөгч онгоцнуудыг байрлуулсан барууныхны агаарын цэргийн баазууд Кремлийн хүчнийхэн байгаа болгоно гэв.
Мөн Путин “Бид Украины дараа Европ руу дайрна гэдэг яриа бол утгагүй зүйл” гэсэн байна. 2022 онд ОХУ Украин руу довтолсноор барууныхантай харилцах харилцаа нь хурцадмал байдалд шилжсэн.
Өнгөрсөн жил Украины Ерөнхийлөгч Зеленський 42 F-16 сөнөөгч онгоц хүлээн авна гэдгээ мэдэгдсэн. Тус улсын нисгэгчид барууны орнуудад сөнөөгч онгоцыг жолоодоход суралцаж буй юм.
Гэхдээ Путин Украин F-16 сөнөөгч онгоцтой болсон ч дайны талбар дээрх нөхцөл байдал өөрчлөгдөхгүй хэмээн мэдэгдсэн. Тэрбээр "Бид тэдний танк, хуягт машин, пуужинг устгасан шигээ байлдааны онгоцыг нь ч мөн устгах болно" гэжээ.
Эх сурвалж: АР