Автотойм: БНХАУ-н автомашин үйлдвэрлэлийн мөрөөдлийг 66 жилийн дараа бодит болгосон Hong Qi буюу Улаан туг
Нийтлэл

БНХАУ-н автомашин үйлдвэрлэлийн мөрөөдлийг 66 жилийн дараа бодит болгосон Hong Qi буюу ( Улаан туг )
1949 онд Коммунист нам засгийн эрхэнд гарахаас өмнө Японы эсрэг 8 жил, коммунистууд болон Гоминдангийн хооронд 3 жил иргэний дайн өрнөсөн он жилүүдэд Хятад улсад ямар нэг автомашин үйлдвэрлэл огт байхгүй байсан юм.. Коммунист дэглэмийн эхний жилүүдэд Хятад улсын гол холбоотон ЗХУ нь 1950-1960 онд олон томоохон төслүүдэд туслалцаа үзүүлсэний нэг нь Анхны автомашины үйлдвэр First Automotive Works (FAW) байлаа.
1953 онд Жилин мужийн Чанчунь хотод анхны автомашины үйлдвэр болох FAW-ийг байгуулж . Jiefang (Liberation) ачааны машиныг үйлдвэрлэж эхэлсэн бөгөөд 1956 он гэхэд жилд дунджараар 1600 ширхэгийг угсарч байв. Энэ бүтээгдэхүүн 30 орчим жилийн турш өөрчлөгдөөгүй билээ.
Коммунизмын бүтээн байгуулалт Хятадын аж үйлдвэржилтэд илжиг тэрэгнээс илүүтэйгээр ачааны машин асар их түлхэц үр нөлөө авч ирсэн нь ойлгомжтой.
Улмаар коммунизмын ялалтын ид хавыг дэлхий дахинд харуулах, хүч чадлаа гайхуулах гэсэн Хятад мөрөөдөл 1958 онд Hong qi (Улаан туг) лимузинг FAW-н үйлдвэрт үйлдвэрлэж эхлэх шалтгаан болсон юм.
Хамгийн анх энэхүү санаачлагыг 1955 онд Хятадын Коммунист намын их хурал дээр Зөвлөлтийн лимузинүүдийг үндэсний үйлдвэрийн машинаар солих шаардлагатай байгаа тухай саналыг намын дарга Мао Зэдун өөрөө гаргасан байдаг
1958 оны 8-р сард анхны загвар гарч ирэв. FAW энэ машинд Улаан тугийн хувьсгалт бэлгэдэл болсон Хонгчи хэмээх нэр өгсөн юм.
Хятадын Засгийн газраас үйлдвэрлэх хугацааг богиносгох шаардлага тавьсан тул энэ нь үнэндээ FAW-ийн бүрэн бүтээгдсэн прототип биш, харин FAW-ийн төрөлх хот Жилин хотод 1955 онд импортлогдсон Chrysler Imperial-ийн хуулбарласан загвар болж хувирсан юм.. Энэ бол Хятадын өндөр албан тушаалтнуудын ашигладаг хүчтэй үзүүлэлттэй машин байв. 5,4 литрийн бензин хөдөлгүүр, 4 шатлалт автомат хурдны хайрцаг, Chrysler-н HEMI V8 180 морьны хүчтэй хөдлөгүүрээр тоноглогдсон байлаа.
2018-2021 онд тус брэнд 2018 онд 33,000 ширхэг, 2019 онд 100,000 ширхэг, 2020 онд 200,000 ширхэг, 2021 онд 300,000 ширхэгийг дотоод болон гадаад зах зээлд борлуулалт хийсэн нь 63 жилийн хугацаанд дах нэг жилд хийсэн хамгийн өндөр борлуулалт байв.
2023 оны 1-р сарын 8-нд Hongqi брэнд өөрийн баримтлах байгальд ээлтэй шинэ эрчим хүчний эх үүсвэрээр ажиллах стратегийг боловсруулан гаргаж дэлхий нийтэд зарласан юм.
2023 онд FAW дотооддоо Хонгчи брэндийн үйл ажиллагааны хороо байгуулснаа зарлаж, зохион байгуулалт, боловсон хүчний хэд хэдэн зохицуулалт хийснээр аюулгүй байдал, байгаль орчны шалгуур үзүүлэлт, тав тух, техникийн найдвартай байдлыг дээд зэргээр хангасан дэлхий улс төр, бизнесийн нэр хүнд бүхий хэрэглэгчдийн итгэлийг хүлээсэн машин болж чадсан билээ.
Нийтлэгч: Ochiroo Ochirpurev