Австралид ажлын цаг дууссан бол удирдлагынхаа дуудлагыг авахгүй байхыг зөвшөөрнө
Мэдээ

Австрали улс ажилчид ажлын бус цагаар дарга нараас нь ирсэн дуудлага, зурваст хариу өгөхгүй байж болох хуулийн төслийг хэлэлцжээ.
Дуудлага аваагүйнхээ төлөө ажилчид ямар нэг торгууль төлөхгүй. Харин тус журмыг зөрчсөн ажил олгогч нарыг торгох юм байна.
Дээрх хуулиар дамжуулан ажилчдын эрхийг хамгаалах, ажил, амьдралын тэнцвэртэй байдлыг нь хангах зорилго тавьсан аж.
Үүнтэй ижил хуулийг Франц, Испани болон Европын холбооны зарим оронд мөрддөг.
Энэ шийдвэрийн талаар Австралийн Ерөнхий сайд Энтони Албанез “Энгийнээр тайлбарлавал, ажилчид 24 цагийн ажлын хөлс авдаггүй байж, 24 цагийн турш бэлэн байдалд байгаагүйнхээ төлөө торгууль төлөх ёсгүй” гэв.
Сенатын гишүүдийн дийлэнх нь хуулийн төслийг дэмжиж байгаагаа илэрхийлсэн бөгөөд энэ долоо хоногийн сүүлээр парламентад танилцуулна.
Австраличууд жил бүр дунджаар зургаан долоо хоногтой дүйхүйц хугацаанд цалингүй, илүү цагаар ажилладаг гэсэн судалгаа байна.
Эх сурвалж: Reuters