Зэсийн томоохон уурхайнуудын ажилчид ажил хаялтаа зогсоож, нийлүүлэлтийн эрсдэл саарав
Дэлхийн зэсийн гарцын дөрөвний нэгийг бүрдүүлдэг Чили улсын уурхайнуудад үүсээд байсан ажил хаялтын асуудал өндөрлөж зэсийн нийлүүлэлтийн эрсдэл харьцангуй буурлаа Өнгөрсөн амралтын өдрүүдэд Lundin Mining компанийн уурхайд ажил хаялт зарлаад байсан 300 орчим ажилтан ажилдаа эргэн орсон байна Мөн өнгөрсөн долоо хоногт BHP группийн Escondida nbsp уурхайн Үйлдвэрчний эвлэл гурван

Дэлхийн зэсийн гарцын дөрөвний нэгийг бүрдүүлдэг Чили улсын уурхайнуудад үүсээд байсан ажил хаялтын асуудал өндөрлөж, зэсийн нийлүүлэлтийн эрсдэл харьцангуй буурлаа.
Өнгөрсөн амралтын өдрүүдэд “Lundin Mining” компанийн уурхайд ажил хаялт зарлаад байсан 300 орчим ажилтан ажилдаа эргэн орсон байна. Мөн өнгөрсөн долоо хоногт “BHP” группийн “Escondida” уурхайн Үйлдвэрчний эвлэл гурван өдрийн ажил хаялт зарласны дараа хөдөлмөрийн гэрээгээ шинээр батлуулжээ.
Түүнчлэн “Antofagasta” компани “Centinela” дахь Үйлдвэрчний эвлэлтэйгээ цалингийн тохиролцоонд хүрч, бүтэн жил үргэлжилсэн маргаанаа шийдвэрлээд байгаа юм.
Харин “Codelco” болон бусад хэд хэдэн зэсийн уурхайд ажил хаялт үргэлжилж байгаатай холбоотойгоор 752 мянга гаруй тонн зэсийн нийлүүлэлт саатсан хэвээр байна. Хэдий тийм боловч энэ нь оны эхэн үеийн 3.35 сая тоннтой харьцуулахад эрс буурсан дүн болж байгааг “BTG Pactual”-ийн тооцоолол харуулж байна.
Хөдөлмөрийн гэрээтэй холбоотой ихэнх хэлцлүүд хийгдсэн тул ажил хаялтаас үүдэлтэй нийлүүлэлтийн эрсдэл буурч байна гэж тус байгууллагын шинжээч мэдэгджээ.
С.Жаргалмаа