Б.Энхболд: Том оврын тээврийн хэрэгсэлд хийсэн гэрэлтүүлэг эсрэг урсгалаас ирж байгаа жолоочийг урдах саадаа харахгүй болгодог
Орон нутгийн замд том оврын тээврийн хэрэгслүүд машины нүүрэн талд нэмэлт гэрэлтүүлэг тавьсан зөрчил их гардаг байна Энэ талаар Тээврийн Цагдаагийн Албаны Урьдчилан сэргийлэх хэлтсийн ахлах зохицуулагч цагдаагийн ахмад Б Энхболд Том оврын тээврийн хэрэгслийн нүүрэн талд нэмэлтээр бүрэн гэрэлтүүлэг хийх нь эсрэг урсгалаас ирж буй тээврийн хэрэгслийн жолоочийн нүдийг

Орон нутгийн замд том оврын тээврийн хэрэгслүүд машины нүүрэн талд нэмэлт гэрэлтүүлэг тавьсан зөрчил их гардаг байна.
Энэ талаар Тээврийн Цагдаагийн Албаны Урьдчилан сэргийлэх хэлтсийн ахлах зохицуулагч, цагдаагийн ахмад Б.Энхболд "Том оврын тээврийн хэрэгслийн нүүрэн талд нэмэлтээр бүрэн гэрэлтүүлэг хийх нь эсрэг урсгалаас ирж буй тээврийн хэрэгслийн жолоочийн нүдийг гялбуулах, урдах саадыг харахгүй болох, зөрж өнгөрөхөд аюултай байх, гэрлийн гялбаа үүсгэдэг. Энэ нь стандарт бус гэрэлтүүлэг юм. Иймд аль болох жолоочийн анхаарлыг сарниулахгүй байх, тээврийн хэрэгслийн үндсэн гэрлийг хэрэглэх нь хөдөлгөөний аюулгүй байдлыг хангаж буй үзүүлэлт юм.
Цагдаагийн байгууллагаас энэ жил "Шугаман эргүүл-Хар хэсэг 2024" арга хэмжээг зохион байгуулж, аймаг, орон нутгийн замын цагдаагийн алба хаагчид 100 км тутамд хяналт шалгалтыг хийж байгаа. Ингэхдээ тээврийн хэрэгслийн гэрэл, хамгаалах бүс зүүх, хурд, техникийн бүрэн бүтэн байдал, галын хор, эмийн сан байгаа эсэхийг 24 цагаар ажиллаж шалгахаас гадна архи согтууруулах ундааны зүйл хэрэглэсэн үедээ тээврийн хэрэгсэл жолоодох зөрчлөөс урьдчилан сэргийлж ажиллаж байна" гэв.
Шөнийн цагт жолооч нар замын хөдөлгөөнд оролцох үедээ тээврийн хэрэгслийн гэрлээ шилжүүлж байхыг тэрбээр зөвлөлөө.