Михаэль Шумахер анх удаа 2013 оноос хойш олон нийтийн өмнө гарч ирэв
Олон удаагийн laquo Формула 1 raquo дэлхийн аварга алдартай тамирчин Михаэль Шумахер 2013 онд цанын ослоор хүнд гэмтэл авснаас хойш анх удаа олон нийтийн өмнө гарч ирлээ Британийн Mirror сонины мэдээлснээр Шумахер өнгөрсөн амралтын өдрүүдэд охин Жинагийнхаа хуримд оролцсон байна Хуримын ёслол Шумахерийн гэр бүлийн Майорка дахь виллад болж өнгөрчээ

Олон удаагийн «Формула-1» дэлхийн аварга, алдартай тамирчин Михаэль Шумахер 2013 онд цанын ослоор хүнд гэмтэл авснаас хойш анх удаа олон нийтийн өмнө гарч ирлээ. Британийн Mirror сонины мэдээлснээр, Шумахер өнгөрсөн амралтын өдрүүдэд охин Жинагийнхаа хуримд оролцсон байна. Хуримын ёслол Шумахерийн гэр бүлийн Майорка дахь виллад болж өнгөрчээ. Гэр бүл энэ талаар ямар нэгэн тайлбар өгөөгүй байна.
Михаэль Шумахер Францын Альпийн ууланд цанаар гулгаж байгаад толгойдоо хүнд гэмтэл авсан юм. Тэрбээр хэд хэдэн мэс засал хийлгэж, удаан хугацаанд эмийн комд орж байсан. Баталгаагүй мэдээллээр, Шумахер саажилттай болсон бөгөөд одоог хүртэл нөхөн сэргээх эмчилгээ хийлгэсээр байгаа юм. Тэрээр 2020 онд зөвхөн нүдний хөдөлгөөнөөр гэр бүлийнхэнтэйгээ харилцаж чаддаг болсон тухай мэдээлэл гарсан.
Гэр бүлийнхэн нь хэвлэл мэдээллээс зайлсхийж, түүний эрүүл мэндийн байдлын талаар ямар ч мэдээлэл өгөөгүйгээс олон төрлийн хуурамч мэдээ, цуурхал гарч ирсэн. Тухайлбал, өнгөрсөн жил Германы нэгэн сэтгүүлд Шумахерын нэрээр хуурамч ярилцлага нийтлэгдэж, үүнийг хиймэл оюун ухаан бүтээсэн нь тогтоогдсон юм. Шумахерын гэр бүл шүүхэд гомдол гаргаж, энэ оны 5-р сард ялалт байгуулан их хэмжээний нөхөн төлбөр авсан.