Toyota-ийн нисдэг такси төсөлд хийж буй хөрөнгө оруулалт 900 сая ам.долларт хүрнэ
Toyota Motor компани 10 р сарын 2 нд Joby Aviation стартапт нэмэлт 500 сая ам долларын хөрөнгө оруулалт хийхээ мэдэгдэв Joby Aviation ийн төв нь Калифорнийн Санта Круз хотод байрладаг бөгөөд Японы автомашин үйлдвэрлэгч Toyota 2020 оноос хойш энэ стартаптай хамтран ажиллаж байна Joby нь цахилгаан нисэх онгоцны босоо хөөрөлт

Toyota Motor компани 10-р сарын 2-нд Joby Aviation стартапт нэмэлт 500 сая ам.долларын хөрөнгө оруулалт хийхээ мэдэгдэв.
Joby Aviation-ийн төв нь Калифорнийн Санта-Круз хотод байрладаг бөгөөд Японы автомашин үйлдвэрлэгч Toyota 2020 оноос хойш энэ стартаптай хамтран ажиллаж байна. Joby нь цахилгаан нисэх онгоцны босоо хөөрөлт, буулт хийх системийг (eVTOL) хөгжүүлж байгаа төсөл юм. Эхний шатанд дөрвөн жилийн өмнө Toyota Joby-д 394 сая ам.долларын хөрөнгө оруулалт хийсэн бөгөөд ингэснээр Японы концернийн нийт хөрөнгө оруулалт 894 сая ам.долларт хүрч байна.
Toyota нь цахилгаан тээврийн хэрэгслийн батерей хөгжүүлэх салбарт томоохон ахиц гаргахыг зорьж байгаа бөгөөд тэдгээрийг хөнгөн, илүү үр ашигтай болгохоор төлөвлөж байна. eVTOL системүүд ийм батерейнуудыг шаарддаг. Үүний зэрэгцээ, Joby устөрөгчийн хөдөлгүүртэй онгоц хөгжүүлж байна.
Joby нь өөрийн нисдэг онгоцоо "агаарын такси" байдлаар хэрэгжүүлэхээр төлөвлөж байгаа юм. 2023 оны 11-р сард тус компани Нью-Йорк хотод eVTOL прототипыг амжилттай туршиж үзсэн.