АНУ-д газрын тосны нөөц нэмэгдсэнээр үнэ унаж, баррель нь $72 болов
АНУ д түүхий газрын тосны нөөц нэмэгдэж Жо Байдены засаг захиргаа Ойрх Дорнодод гал зогсоох хэлэлцээрт хүрэхээр зорьж байгаатай зэрэгцээд газрын тосны үнэ уналаа Тодруулбал WTI төрлийн газрын тосны фьючерс ханш өнгөрсөн арилжааны өдрүүдэд хоёр гаруй хувиар өсөөд байсан ч бага зэрэг буурч баррель нь 72 ам доллар болсон байна

АНУ-д түүхий газрын тосны нөөц нэмэгдэж, Жо Байдены засаг захиргаа Ойрх Дорнодод гал зогсоох хэлэлцээрт хүрэхээр зорьж байгаатай зэрэгцээд газрын тосны үнэ уналаа. Тодруулбал: WTI төрлийн газрын тосны фьючерс ханш өнгөрсөн арилжааны өдрүүдэд хоёр гаруй хувиар өсөөд байсан ч бага зэрэг буурч, баррель нь 72 ам.доллар болсон байна.
Харин брент төрлийн газрын тос баррель нь 75 ам.доллар орчимд арилжаалагдаж байна. Газрын тосны нөөц өнгөрсөн долоо хоногт 1.6 сая баррелиар өссөн гэж АНУ-ын Газрын тосны институтээс тооцоолжээ.
Нийлүүлэлтийн саатал үүсэх эрсдэл нэмэгдэж буй энэ үед газрын тосны үнэ огцом хэлбэлзэлтэй байгаа бол ирэх онд нийлүүлэлт нэмэгдэх төлөвтэй байгаатай холбоотойгоор үнэ нь харьцангуй тогтворжихоор байна гэж “ING” санхүүгийн байгууллагын шинжээчид үзэж байна.
М.Цацрал