Австралийн далайн эрэгт "хар бөмбөлөг" гэгдэх зүйл их хэмжээгээр гарч иржээ
Австралийн далайн эрэгт хар бөмбөлөг гэгдэх зүйл их хэмжээгээр дахин хөвж ирсний улмаас усан сэлэлтийн долоон газрыг түр хаахад хүргээд байна Эдгээр нь газрын тосны хольцоос бүрдэлтэй гэж өмнө нь үзэж байжээ Шинэ Өмнөд Уэлсийн их сургуулийн эрдэмтдийн хийсэн судалгаа хар тосон бөмбөлөг т хүний үс ялгадас эм тан химийн

Австралийн далайн эрэгт “хар бөмбөлөг” гэгдэх зүйл их хэмжээгээр дахин хөвж ирсний улмаас усан сэлэлтийн долоон газрыг түр хаахад хүргээд байна. Эдгээр нь газрын тосны хольцоос бүрдэлтэй гэж өмнө нь үзэж байжээ.
Шинэ Өмнөд Уэлсийн их сургуулийн эрдэмтдийн хийсэн судалгаа “хар тосон бөмбөлөг”-т хүний үс, ялгадас, эм тан, химийн бүтээгдэхүүн гээд хэдэн зуун зүйл орсон байгааг нотлон харуулав.
Уг гарал сурвалж нь далайн хөлөгт онгоц, далайн эргийн хот суурингаас урсгаж хаясан элдэв зүйлийн холимог хаягдал байж болох ч яг хаанаас урсаж ирж буйг нь тогтоож чадахгүй байна гэжээ.
Урьд өмнө үзэгдэж байгаагүй энэ үгээр илэрхийлэхийн аргагүй хачин муухай үнэртэй бөмбөлгөөс үүдээд Сидней хотын болон бусад эрэг хавийн усан сэлэлтийн газрууд хэд хоногоор эзгүйдэхэд хүрэв.