Дональд Трамп 60 хувийн тариф оногдуулбал БНХАУ энэ удаад илүү бэлтгэлтэй байна
Худалдааны дайн даамжирвал БНХАУ эн тэргүүнд АНУ ын хөдөө аж ахуйн бүтээгдэхүүний экспортод чиглэсэн хариу арга хэмжээг авахаар байна АНУ ын Ерөнхийлөгчөөр дахин сонгогдоод буй Дональд Трамп 60 хувийн тариф оногдуулбал БНХАУ ын тал энэ удаад илүү бэлтгэлтэй байгааг Bloomberg мэдээллээ 2018 онтой харьцуулахад Худалдааны дайн илүү их хохирол дагуулахаар

"Худалдааны дайн” даамжирвал БНХАУ эн тэргүүнд АНУ-ын хөдөө аж ахуйн бүтээгдэхүүний экспортод чиглэсэн хариу арга хэмжээг авахаар байна
АНУ-ын Ерөнхийлөгчөөр дахин сонгогдоод буй Дональд Трамп 60 хувийн тариф оногдуулбал БНХАУ-ын тал энэ удаад илүү бэлтгэлтэй байгааг “Bloomberg” мэдээллээ.
2018 онтой харьцуулахад “Худалдааны дайн” илүү их хохирол дагуулахаар байгаа учраас Ши Жиньпин “тариф”-аас зайлсхийх байр суурьтай байгааг онцолсон байна. Тухайлбал: худалдааны хориг арга хэмжээг нэмэгдүүлснээр БНХАУ-ын дотоодын зарцуулалтыг эрчимжүүлэх бодлогод дарамт учруулахаар байгааг “Goldman Sachs” өнгөрсөн долоо хоногт мэдээллээ. Хэдий тийм боловч “Худалдааны дайн” даамжирсан тохиолдолд БНХАУ эн тэргүүнд АНУ-ын хөдөө аж ахуйн бүтээгдэхүүний экспортод чиглэсэн хариу арга хэмжээ авахаар байгаа юм.
Үүний зэрэгцээ Дональд Трампыг сонгуульд ялалт байгуулсанд нь баяр хүргээд, "Хоёр улсын харилцааг "эрүүл бөгөөд тогтвортой" байлгах хүсэлтэй байгаа"-гаа Ши Жиньпин илэрхийлснийг “CCTV” мэдээллээ. Мөн тэрбээр "Шинэ эринд хоёр улсад төдийгүй дэлхий дахинд ашигтай байдлаар зөв, хамтран ажиллах арга зам эрэлхийлэх хэрэгтэй" гэж тодотгосон байна.