ОХУ-д хуучин цахилгаан машины эрэлт анх удаа хагас жилийн дараа өсөв
2024 оны аравдугаар сард Оросууд 1312 хуучин цахилгаан машин худалдан авсан нь өмнөх оны мөн үеийнхээс 41 иар өссөн үзүүлэлт гэж ldquo Автостат rdquo мэдээллээ Энэхүү сегментийн өсөлт нь сүүлийн хагас жилийн хугацаанд анх удаа ажиглагдсан байна Учир нь 5 р сараас 9 р сар хүртэлх хугацаанд цахилгаан машины эрэлт

2024 оны аравдугаар сард Оросууд 1312 хуучин цахилгаан машин худалдан авсан нь өмнөх оны мөн үеийнхээс 41%-иар өссөн үзүүлэлт гэж “Автостат” мэдээллээ.
Энэхүү сегментийн өсөлт нь сүүлийн хагас жилийн хугацаанд анх удаа ажиглагдсан байна. Учир нь 5-р сараас 9-р сар хүртэлх хугацаанд цахилгаан машины эрэлт буурсан бол сүүлд 4-р сард эерэг өсөлт гарч байжээ.
“Автостат”-ын мэдээлснээр, аравдугаар сард хоёрдогч зах зээлийн 70%-ийг гурван брэнд эзэлсэн байна: Nissan (549 ширхэг) , Zeekr (198 ширхэг) , Tesla (176 ширхэг) . Үлдсэн брэндүүдийн борлуулалт 100 ширхэгээс хэтрээгүй аж.
Оросын хуучин цахилгаан машины зах зээлд хамгийн их эрэлттэй загвар нь Nissan Leaf хэвээр байна. Аравдугаар сард энэ загварын 540 машин борлогдсон байна. Мөн Zeekr 001 (136 ширхэг) 100 ширхэгээс дээш борлуулалттай загварын тоонд оржээ.
Тавдугаар байранд Tesla-ийн гурван загвар бичигдсэн байна: Model 3 (64 ширхэг) , Model S болон Model Y (тус бүр 40 ширхэг).
Цахилгаан машины зах зээлийн ихэнхийг Москва хот эзэлж байна. “Автостат”-ын мэдээллээр, намрын дунд сард зарсан цахилгаан машины тавны нэг нь нийслэлд (252 ширхэг) борлуулагдсан байна. Хоёрдугаар байрт Краснодарын хязгаар (118 ширхэг) , гуравдугаарт Москов муж (95 ширхэг) , дөрөвдүгээр байрт Иркутск муж (69 ширхэг) оржээ. Тавдугаар байрт Санкт-Петербург (67 ширхэг) бичигдсэн байна.
2024 оны эхний 10 сарын байдлаар ОХУ-д нийт 9700 хуучин цахилгаан машин худалдан авсан нь өмнөх оны мөн үеийнхээс 7%-иар өссөн үзүүлэлт юм.