Genesis брэндээс анхны тэсвэрийн уралдааны зориулалттай гиперкар танилцууллаа
Genesis брэнд тэсвэрийн уралдааны ангилалд зориулсан анхны гиперкарын концепт загвар болох GMR 001 Hypercar ыг танилцууллаа Энэхүү спорт прототип нь 2026 оноос эхлэн дэлхийн тэсвэрийн уралдааны аварга шалгаруулах тэмцээн WEC д оролцохоор бүтээж байгаа бөгөөд тус брэндийн Genesis Magma Racing хэмээх уралдааны багийг үүсгэн байгуулж байгааг мөн зарлав Төлөвлөгөө ба

Genesis брэнд тэсвэрийн уралдааны ангилалд зориулсан анхны гиперкарын концепт загвар болох GMR-001 Hypercar -ыг танилцууллаа. Энэхүү спорт прототип нь 2026 оноос эхлэн дэлхийн тэсвэрийн уралдааны аварга шалгаруулах тэмцээн (WEC)-д оролцохоор бүтээж байгаа бөгөөд тус брэндийн Genesis Magma Racing хэмээх уралдааны багийг үүсгэн байгуулж байгааг мөн зарлав.
Төлөвлөгөө ба стратеги
2026 он: Genesis WEC уралдаанд албан ёсны багийн бүрэлдэхүүнтэй оролцоно.
2027 он: IMSA уралдааны цувралд нэгдэнэ.
Болидын зохион бүтээсэн загвар нь аль аль тэмцээнд тохирохоор бүтээгдэнэ.
Эхний туршилтын зайлтууд 2025 онд “Европын Ле-Маны цуврал”-ын хүрээнд явагдана.
Техникийн мэдээлэл
Genesis одоогоор техникийн нарийн мэдээлэл ил болгоогүй боловч:
Oreca компанийн шасси ашиглан прототипийг хөгжүүлэхээр төлөвлөж байна.
Хүч дамжуулах системийн эд ангиудыг Hyundai концерны уралдааны туршлагад тулгуурлан Genesis өөрөө зохион бүтээнэ.
Гол нисгэгч
Германы нисгэгч, Audi болон Porsche багт амжилттай оролцож байсан, “Ле-Ман”-ы гурав удаагийн аварга Андре Лоттерер багийн гол нисгэгчээр ажиллана гэж таамаглаж байна.
Magma брэндийг хөгжүүлэх зорилго
“ Magma ” багийн нэр нь Genesis-ийн спортын загварын шугам болох Magma иргэний спорт автомашинуудыг сурталчлах зорилготой юм. Энэхүү шугамын концептууд болох GV60 болон GV80 моделийг аль хэдийн танилцуулаад байгаа.
Genesis брэнд анх удаа дэлхийн хэмжээний автомашины уралдаанд оролцож эхлэх нь автомашины түүхэн шинэ хуудас болж байна.