Renault Sandero Latin NCAP ослоор унаснаар ослын туршилтаас нэг ч од аваагүй
Latin NCAP байгууллага Бразил Аргентин Колумбийн зах зээлд зориулан үйлдвэрлэгдсэн Renault Sandero загварын хэтчбэкийн ослын туршилтыг явуулсан байна Туршилтын үр дүнд уг автомашин одоогийн протоколын дагуу нэг ч од аваагүй байна Энэхүү үнэлгээ нь Logan болон Stepway хувилбаруудад мөн хамааралтай болохыг онцолжээ Мэдээлэлд дурдсанаар Sandero нь стандарт тоноглолдоо 4 аюулгүйн

Latin NCAP байгууллага Бразил, Аргентин, Колумбийн зах зээлд зориулан үйлдвэрлэгдсэн Renault Sandero загварын хэтчбэкийн ослын туршилтыг явуулсан байна. Туршилтын үр дүнд уг автомашин одоогийн протоколын дагуу нэг ч од аваагүй байна. Энэхүү үнэлгээ нь Logan болон Stepway хувилбаруудад мөн хамааралтай болохыг онцолжээ.
Мэдээлэлд дурдсанаар, Sandero нь стандарт тоноглолдоо 4 аюулгүйн дэртэй бөгөөд ESC системийг нэмэлтээр санал болгодог. Автомашин дараах туршилтуудыг давсан: урд талаас мөргөх, хажуугаас тэрэг мөргөх, шон мөргөх, хүзүүний гэмтлийн туршилт, явган зорчигчдод аюулгүй байдлыг үнэлэх туршилт.
Үр дүн:
Насанд хүрэгчдийг хамгаалах үнэлгээ: 32.83%
Хүүхэд зорчигчдыг хамгаалах үнэлгээ: 61.22%
Явган зорчигч болон замын хөдөлгөөнд оролцогчдыг хамгаалах үнэлгээ: 46.30%
Аюулгүйн системүүд: 0.00%
Latin NCAP байгууллагаас онцолсноор, урд талаас мөргөх туршилтад Sandero загвар бүтцийн сул талтай болох нь харагджээ. Жолооч болон зорчигчдын цээжийг хамгаалах түвшинг суларсан гэж дүгнэсэн байна.
Хажуугийн мөргөлтийн туршилт мөн адилхан үр дүнтэй байсан бөгөөд шон мөргөх үед толгой, цээжний хамгаалалт сул байсан нь тогтоогдсон. Мөн хажуугийн мөргөлтөөр кузовын дотоод орон зайд ихээхэн деформаци үүссэн нь зорчигчдын гэмтэл авах эрсдлийг нэмэгдүүлжээ.
Хүүхдийн зорчигчдыг хамгаалах системүүдийн зарим нь туршилтад тэнцээгүй байна. Жишээлбэл, зорчигчийн суудалд буруу харуулан байрлуулсан хүүхдийн суудлын үед аюулгүйн дэрийг унтрааж чадаагүй байна.
Мөн суудлын бүсийг сануулах систем нь Latin NCAP-ийн хамгийн бага шаардлагыг хангаагүй. Туршилтад оролцсон автомашин хурдны хязгаарлалтын функц, яаралтай тоормослох систем, "сохор бүс"-ийг анхааруулах системээр тоноглогдоогүй байв.
ESC систем стандарт тоноглолд багтдаггүй тул үнэлгээ авч чадаагүй. Хэрэв энэхүү тоноглол байсан ч, автомашин насанд хүрэгчдийг хамгаалах түвшингийн сул байдлаас болж нэг ч од авахгүй байсан гэж дүгнэжээ.
Renault Duster загвар 2021 онд ижил төстэй туршилтад орж, нэг ч од аваагүй болохыг онцолж байна.