Mitsubishi анх удаа Pajero Sport-д зориулсан Ralliart хувилбарыг санал болголоо
Mitsubishi Motors компани удахгүй гарах Pajero Sport ийн дараагийн үеийг угтан 2015 оноос үйлдвэрлэгдэж байгаа одоогийн үеийн жийпэнд шинэ хувилбар танилцууллаа Уг тусгай хувилбарыг Black Series Ralliart Edition гэж нэрлэсэн байна Энэ нь Pajero Sport загвар Ralliart нэрийг авсан анхны тохиолдол юм Ralliart бол Mitsubishi ийн автомашины спортын алдартай салбар

Mitsubishi Motors компани удахгүй гарах Pajero Sport-ийн дараагийн үеийг угтан 2015 оноос үйлдвэрлэгдэж байгаа одоогийн үеийн жийпэнд шинэ хувилбар танилцууллаа. Уг тусгай хувилбарыг Black Series Ralliart Edition гэж нэрлэсэн байна.
Энэ нь Pajero Sport загвар Ralliart нэрийг авсан анхны тохиолдол юм. Ralliart бол Mitsubishi-ийн автомашины спортын алдартай салбар бөгөөд "Дакар" болон өмнөх "Парис-Дакар" раллид олон ялалтуудыг авчирсан билээ. Гэвч энэ тохиолдолд зөвхөн дизайны шинэчлэлт хийгдсэн бөгөөд автомашины техникийн талд ямар ч өөрчлөлт ороогүй байна.
Black Series Ralliart Edition нь үндсэндээ Pajero Sport Black Series -ийн өргөтгөсөн хувилбар юм. Энэ нь хар өнгөтэй тольны их бие, радиаторын сараалж, хаалганы бариул, дээврийн хашлага, нумны өргөтгөл болон хайлшин дугуйн обуд зэрэг элементүүдийг агуулдаг. Мөн Ralliart-ийн улаан өнгөтэй өргөн шавар хаалт, урд бамперын улаан гоёлын элементүүд, арын хаалга болон жигүүрт байрлуулсан улаан, хар өнгийн Ralliart наалтууд нэмэгдсэн. Mitsubishi Pajero Sport Black Series Ralliart Edition кузов нь зөвхөн цагаан өнгөтэй байж болно. Машинтай хамт хар өнгийн, улаан ирмэгтэй Ralliart брэндийн дэвсгэр, үүргэвч, шүхэр болон бейсболын малгай дагалддаг.
Моторын хувьд стандарт 2.4 литрийн 181 морины хүчтэй турбо дизель хөдөлгүүртэй бөгөөд 8 шатлалт гидромеханик автомат хурдны хайрцагтай. Жийп нь зөвхөн хойд дугуйгаар хөтөлдөг бөгөөд Super Select II системийг дэмждэггүй. Mitsubishi Pajero Sport Black Series Ralliart Edition загвар зөвхөн Филиппин улсад худалдаалагдахтай холбоотойгоор энэ шийдлийг ашигласан байна.