Хятадын брэндүүд Оросын автомашины зах зээлийн ихэнх хувийг эзэлж байна
2024 оны эхний 11 сарын байдлаар Оросын шинэ суудлын автомашины зах зээл дээр Хятадын брэндүүдийн эзлэх хувь 60 д хүрчээ гэж laquo Коммерсантъ raquo сонин laquo Автостат raquo судалгааны байгууллагын мэдээлэлд үндэслэн мэдээлэв Харьцуулахад 2022 оны эхээр Оросын эсрэг хориг арга хэмжээ чангарахаас өмнө БНХАУ ын автомашины брэндүүд Оросын зах

2024 оны эхний 11 сарын байдлаар Оросын шинэ суудлын автомашины зах зээл дээр Хятадын брэндүүдийн эзлэх хувь 60%-д хүрчээ гэж «Коммерсантъ» сонин «Автостат» судалгааны байгууллагын мэдээлэлд үндэслэн мэдээлэв.
Харьцуулахад, 2022 оны эхээр, Оросын эсрэг хориг арга хэмжээ чангарахаас өмнө, БНХАУ-ын автомашины брэндүүд Оросын зах зээлд ердөө 10%-ийн хувийг эзэлж байжээ.
2024 оны 1-11 сарын хооронд Орос улсад 848 мянган шинэ хятад автомашин борлуулагдсан байна.
Орос улс ийнхүү Хятадын автомашины салбарын хамгийн том зах зээл болох байр сууриа бэхжүүлэв.
Одоогийн байдлаар Оросын зах зээлд Хятадын 60 автомашины брэнд албан ёсоор оролцож байгаа бөгөөд заримыг нь хувилбарт импортын сувгаар нэмж оруулж ирдэг болохыг «Оросын автомашины дилерүүдийн холбоо» (РОАД) мэдээлжээ.
Олон нийтийн сегментэд оросууд Хятадын автомашинд итгэл үзүүлж эхэлсэн ч тансаг зэрэглэлийн ангилалд тэднийг хүлээн авах нь одоо ч болгоомжтой хэвээр байгааг «Авилон» компанийн шинэ автомашины борлуулалтын дэд захирал Ренат Тюктеев сэтгүүлчдэд онцлов.
Харин «Рольф» дилерийн группын дэд захирал Светлана Виноградовагийн үзэж байгаагаар, барууны концернүүд Оросын зах зээлээс гараагүй байсан бол Хятадын брэндүүд өнөөгийн 60%-ийн зах зээлийн хувийг эзлэх боломжгүй байсан гэжээ.