Kia хөгжиж буй орнуудын зах зээлд зориулсан шинэ кроссовер танилцууллаа
Kia компани 12 р сарын 19 нд өөрийн хувьд зарчмын хувьд шинэ загвар болох Syros дэд компакт кроссоверыг дэлхий нийтэд танилцууллаа Шинэ загварыг Энэтхэг улсад үйлдвэрлэх бөгөөд энэ нь гол зорилтот зах зээл болно Гэсэн хэдий ч уг автомашиныг бусад хөгжиж буй орнуудад ч худалдаалах юм Syros нь хямд үнэтэй

Kia компани 12-р сарын 19-нд өөрийн хувьд зарчмын хувьд шинэ загвар болох Syros дэд компакт кроссоверыг дэлхий нийтэд танилцууллаа.
Шинэ загварыг Энэтхэг улсад үйлдвэрлэх бөгөөд энэ нь гол зорилтот зах зээл болно. Гэсэн хэдий ч уг автомашиныг бусад хөгжиж буй орнуудад ч худалдаалах юм.
Syros нь хямд үнэтэй загвар гэж байр сууриа тодорхойлсон хэдий ч гаднах үзэмж нь орчин үеийн чиг хандлагыг дагаж, Kia-гийн бусад шинэ загваруудтай төстэй шийдэлтэй. Г хэлбэртэй LED гэрэл , сугаран гардаг хаалганы бариулууд , мөн хар өнгийн барзгар хээтэй дугуйн нуман өргөтгөлүүд , глянц хар өнгийн багана , цонхны өвөрмөц шийдэл зэрэг нь анхаарал татна.
Кроссоверийн урт нь 3995 мм бөгөөд энэ нь Энэтхэгт 4 метрээс бага урттай машинд хөнгөлөлттэй татвар ногдуулдаг тул уг зах зээлд онцгой ач холбогдолтой.
Өргөн нь 1800 мм , өндөр нь 1665 мм , харин тэнхлэг хоорондын зай нь 2550 мм . Мөн ачааны багтаамж нь 465 литр байна.
Дээд зэрэглэлийн хувилбарт салон нь гурван дэлгэцтэй: дижитал хянах самбар , 12.3 инчийн мэдээллийн систем , 5 инчийн агааржуулагчийн дэлгэц . Эдгээр нь нэгэн зэрэг хэвтээ байдлаар байрлаж, нийтлэг шилэн бүрхүүлтэй.
Kia Syros -ийг хоёр төрлөөр санал болгоно:
1.0 бензин хөдөлгүүртэй (120 морины хүч, 172 Нм)
1.5 дизель хөдөлгүүртэй (116 морины хүч, 120 Нм).
Хоёуланд нь стандарт 6 араатай механик хурдны хайрцагтай. Бензин хувилбарт 7 шатлалтай робот, дизель хувилбарт 6 шатлалтай автомат хурдны хайрцгийг нэмэлтээр санал болгоно. Машины хөтлөгч урд дугуйндаа хязгаарлагдана. Цэвэр цахилгаан хувилбар хожим гарах төлөвтэй байна.
Шинэ загварын худалдаа Энэтхэг улсад 2025 оны эхээр эхлэх бөгөөд үнэ нь 12 мянган ам.доллараас (ойролцоогоор 42 сая төгрөг) эхэлнэ.