2024 онд цахилгаан Mustang борлуулалт нь бензин хөдөлгүүртэй загвараас давлаа
2024 оны үр дүнгээр Ford компани 51 745 ширхэг цахилгаан кроссовер Mustang Mach E борлуулсан нь өмнөх оныхоос 26 9 иар өссөн үзүүлэлт байв Харин бензин хөдөлгүүртэй купе болон кабриолет Mustang ийн эрэлт 9 5 иар буурч 44 003 ширхэг болжээ The Drive сэтгүүл энэхүү чиг хандлага 2025 онд ч

2024 оны үр дүнгээр Ford компани 51,745 ширхэг цахилгаан кроссовер Mustang Mach-E борлуулсан нь өмнөх оныхоос 26.9%-иар өссөн үзүүлэлт байв. Харин бензин хөдөлгүүртэй купе болон кабриолет Mustang-ийн эрэлт 9.5%-иар буурч, 44,003 ширхэг болжээ. The Drive сэтгүүл энэхүү чиг хандлага 2025 онд ч үргэлжлэх магадлалтай гэж таамаглаж байна.
Цахилгаан Mustang-ийн эрэлт яагаад өсөв?
Сэтгүүлийн үзэж буйгаар, цахилгаан Mustang-ийн өндөр эрэлт нь лизингийн таатай нөхцөл болон үнийн бууралтаас шалтгаалсан. Үйлдвэрлэгч нь батарейтай автомашины эрэлт багассаны улмаас үнийг бууруулахаас аргагүйд хүрсэн байна. 2025 он гэхэд Mach-E-ийн үндсэн загварын үнэ АНУ-д 41,990 доллараас 38,490 доллар болж буурсан (татварын хөнгөлөлтийг оруулахгүйгээр).
Харьцуулахад, бензин хөдөлгүүртэй хоёр хаалгатай Ford Mustang-ийн 2024 оны үнэ АНУ-д EcoBoost 2.0 литрийн турбо дөрвөн цилиндртэй хувилбараар 33,515 доллараас эхэлж байсан бол, 5.0 литрийн V8 хөдөлгүүртэй GT хувилбар нь 44,455 доллараас эхэлж байв.
Цахилгаан болон бензин Mustang загваруудын онцлог
Mustang Mach-E нь 2021 онд үйлдвэрлэлд орсон бөгөөд 2024 онд цөөн хэдэн шинэчлэлт хийгдсэн ч, харьцангуй хуучирсан загвар хэвээр байна. Өнгөрсөн жил шинэ загварт илүү хүчирхэг цахилгаан хөдөлгүүр, хурдан цэнэглэх функц, нэмэгдсэн зай туулах чадвар нэмэгдсэн. Харин бензин хөдөлгүүртэй купе болон кабриолет Mustang нь 2023 онд бүрэн шинэчлэгдсэн боловч энэ нь эрэлтийг нэмэгдүүлэхэд хангалттай нөлөө үзүүлээгүй.
Спорт автомашины зах зээлд Mustang-ийн байр суурь
Сүүлийн арван жилд Mustang нь АНУ-ын хамгийн их борлуулалттай спорт автомашин байсаар ирсэн бөгөөд үүний гол шалтгаан нь спорт автомашины зах зээлд санал болголт багассан явдал юм.
Mustang GTD амжилт
2024 оны сүүлээр Ford Mustang GTD нь Нюрбургрингийн 20.8 км урттай тойргийг 6 минут 57.685 секундэд туулж, АНУ-ын хамгийн хурдан автомашин болжээ. Энэ амжилтаараа өмнөх аварга Dodge Viper ACR, мөн Lamborghini Aventador SuperVeloce болон Ferrari 296 GTB-ийг ардаа орхисон байна.