Ле-Манд уралдаж байсан ховор Ferrari-г 2.5 сая еврогоор худалдах гэж байна
2 р сарын 5 нд Парис хотод болох RM Sotheby's дуудлага худалдаагаар маш ховор уралдааны зориулалттай Ferrari 512 BB LM 1981 оны загварыг худалдахаар болжээ Ferrari Assistenza Clienti хэлтэс ердөө 25 ийм машин үйлдвэрлэсэн бөгөөд энэхүү загвар нь гуравдугаар үеийн шасси ашиглан бүтээсэн 16 машины нэг юм Энэхүү уралдааны машин

2-р сарын 5-нд Парис хотод болох RM Sotheby's дуудлага худалдаагаар маш ховор, уралдааны зориулалттай Ferrari 512 BB LM 1981 оны загварыг худалдахаар болжээ. Ferrari Assistenza Clienti хэлтэс ердөө 25 ийм машин үйлдвэрлэсэн бөгөөд энэхүү загвар нь гуравдугаар үеийн шасси ашиглан бүтээсэн 16 машины нэг юм. Энэхүү уралдааны машин өмнө нь хэд хэдэн удаа эзнээ сольж байсан бөгөөд энэ удаад дуудлага худалдааны зохион байгуулагчид үүнийг 2-2.5 сая еврогоор худалдаалах зорилготой байна. (Энэ нь 7.7-9.7 тэрбум төгрөг орчим үнэлгээтэй гэсэн үг.)
Эхний эзэмшигчийн түүх
Спорт машины анхны эзэмшигч нь Италийн магнат, цуглуулагч болон уралдааны тамирчин Фабрицио Виолати байжээ. Тэрээр машиныг агаар динамикийн үр ашгийг нэмэгдүүлэх зорилгоор нэмэлт сайжруулалт хийлгэж байв. Фабрицио Виолатигийн баг болох Scuderia Bellancauto энэ Ferrari-г ашиглан Монца, Муджелло дахь 1000 км-ийн уралдаанд оролцож, GTX ангилалд ялалт байгуулж байжээ. Мөн энэ машин 1981, 1984 онуудад "Ле-Маны 24 цаг"-ийн уралдаанд оролцсон боловч техникийн эвдрэлээс болж замаа дуусгаж чадаагүй юм.
Цуглуулгын үнэт өв
Уралдааны карьер нь дууссаны дараа Ferrari 512 BB LM машин Виолатигийн гэр бүлийн "Maranello Rosso" цуглуулгад бараг 30 жилийн турш хадгалагдсан байна. Энэхүү цуглуулгад 365 P2/3, 330P, 250 MM болон домогт 250 GTO зэрэг ойролцоогоор 40 гаруй уралдааны болон замын Ferrari машин байжээ. 2010 онд Виолати таалал төгссөний дараа 2014 онд гэр бүлийнхэн нь уг цуглуулгаа худалдаалсан байна.
Сэргээн засварлалт ба шинэ эзэмшигч
2021 онд уг Ferrari-г одоогийн эзэмшигч нь 1,973,750 еврогоор (7.6 тэрбум төгрөг орчим) худалдан авсан. Үүний дараа 2022-2024 оны хооронд 150 мянга гаруй евро (580 сая төгрөг орчим)-г зарцуулж, бүрэн сэргээн засварлуулжээ. Одоо уг машин дахин уралдааны замд гарахад бэлэн болсон ба Le Mans Classic болон Monterey Motorsports Reunion зэрэг түүхэн уралдаанд оролцох боломжтой аж.
Дуудлага худалдааны онцлох машин
Энэхүү дуудлага худалдаанд мөн Ле-Манд уралдаж байсан өөр нэг Ferrari болох 1970 оны 512 M загвар ч оролцох аж. Энэ спорт прототип нь хэд хэдэн онцгой шийдэлтэй бөгөөд 9-12 сая еврогийн (34.8-46.4 тэрбум төгрөг) үнэлгээтэйгээр дуудлага худалдаанд гарах юм байна.