Li Auto компани Европын зах зээлийн автомашины хөгжүүлэлтийг Германд шилжүүллээ
Хятадын автомашин үйлдвэрлэгч Li Auto Li Xiang гадаадад анхныхаа судалгаа хөгжүүлэлтийн төвийг байгууллаа Германы Мюнхен хотод байрлах энэ инженерийн төв нь компанид Европын зах зээлд нэвтрэхэд туслах зорилготой юм гэж Cn EV Post мэдээллээ Фото Li Auto Өмнө нь Li Auto гийн автомашинуудыг зөвхөн Хятад улсад хөгжүүлдэг байсан Тус брэндийн

Хятадын автомашин үйлдвэрлэгч Li Auto (LiXiang) гадаадад анхныхаа судалгаа, хөгжүүлэлтийн төвийг байгууллаа. Германы Мюнхен хотод байрлах энэ инженерийн төв нь компанид Европын зах зээлд нэвтрэхэд туслах зорилготой юм гэж CnEVPost мэдээллээ.
Өмнө нь Li Auto-гийн автомашинуудыг зөвхөн Хятад улсад хөгжүүлдэг байсан. Тус брэндийн хоёр инженерийн төв Бээжин болон Шанхай хотод байрладаг. Одоо Германы баг эдгээр төвүүдтэй хамтран хэд хэдэн дэвшилтэт технологи дээр ажиллах юм. Үүнд:
Цахилгаан хүч дамжуулах систем
Удирдлагын цахим систем (steer-by-wire)
Идэвхтэй түдгэлзүүлэлтийн систем
Мөн Германы баг хиймэл оюун ухааны хөгжүүлэлтэд гол анхаарлаа хандуулах бөгөөд үүнд Li Auto-гийн НИОКР (судалгаа, хөгжүүлэлт)-ын хөрөнгө оруулалтын бараг тэн хагас нь зарцуулагддаг аж. Үүнээс гадна, брэндийн өвөрмөц хэв маягийг Мюнхенд хөгжүүлэхээр төлөвлөжээ.
Европын зах зээлийн онцлогийг ойлгоход тусална
Германд төвтэй байх нь Li Auto-д Европын зах зээлийн онцлогийг илүү сайн ойлгоход туслах юм. Энэ нь тус бүс нутгийн хэрэглэгчдийн сонирхол, худалдан авах зан төлөвөөс эхлээд автомашин хөгжүүлэлт болон туршилтыг зохицуулдаг дүрэм журамтай нийцэх шаардлагыг хамарна.
Өнгөрсөн оны сүүлээр Li Auto-гийн захирал Ли Сян компанийнхаа ирээдүйн төлөвлөгөөг танилцуулсан. Тэрбээр компанийн бүрэн автомат жолоодлогыг амжилттай хөгжүүлсний дараа хүн хэлбэрийн робот бүтээх төсөлд ажиллана гэж мэдэгджээ. Гэсэн ч энэ нь ойрын хугацаанд хэрэгжихгүй аж.