Toyota ОХУ-д худалдаалагдсан "Крузак"-уудын хөдөлгүүрийг солихоор боллоо (энэ бол тоглоом биш!)
Toyota Motor компани 4 р сарын 2 нд ОХУ д Land Cruiser 300 болон түүний суурь платформ дээр суурилсан Lexus LX загварын автомашинуудыг албан ёсоор татан авах отзыв шийдвэрийг зарлалаа Энэхүү шийдвэр нь 2021 2022 онуудад худалдаалагдсан 1913 ширхэг автомашинд хамаарах бөгөөд эдгээр нь 3 4 литрийн V 35 A

Toyota Motor компани 4-р сарын 2-нд ОХУ-д Land Cruiser 300 болон түүний суурь платформ дээр суурилсан Lexus LX загварын автомашинуудыг албан ёсоор татан авах (отзыв) шийдвэрийг зарлалаа.
Энэхүү шийдвэр нь 2021-2022 онуудад худалдаалагдсан 1913 ширхэг автомашинд хамаарах бөгөөд эдгээр нь 3.4 литрийн V35A бензин хөдөлгүүрээр тоноглогдсон байна.
🔧 Ямар асуудал гарсан бэ?
Эдгээр хөдөлгүүрт үйлдвэрлэлийн ноцтой алдаа илэрсэн бөгөөд энэ нь коленвалын үндсэн холхивчийн эрчимтэй элэгдэлд хүргэх өндөр эрсдэлтэй гэж тогтоогджээ. Үүний улмаас хөдөлгүүрт тодорхой дуу гарах, бүр цаашлаад гэнэт ажиллахгүй болох эрсдэлтэй байна.
🚗 Ямар арга хэмжээ авах вэ?
ОХУ-ын Росстандарт байгууллагын вэбсайтад татан авахад хамаарах автомашины жагсаалт нийтлэгдсэн бөгөөд эдгээр автомашины хөдөлгүүрийг үнэ төлбөргүй шинэ хөдөлгүүрээр сольж өгөх аж.
📢 Toyota-ийн эзэмшигчид анхааралтай байж, албан ёсны дилерүүдтэй холбогдон үнэгүй засвар, солилцоонд хамрагдаарай!