GM-ийн 6.2L V8 хөдөлгүүртэй автомашинууд асар том асуудалтай нүүр тулж байна
Америкийн автомашин үйлдвэрлэгч General Motors GM сүүлийн саруудад V 8 хөдөлгүүрийн солих үйлчилгээний хангамж хүрэлцээгүй байгаатай тулгарсаар ирсэн Гэвч өнгөрсөн долоо хоногт ил болсон пикап болон SUV автомашинуудын томоохон буцаалтын дараа GM ээс АНУ ын Замын хөдөлгөөний аюулгүй байдлын үндэсний газарт NHTSA өгсөн баримт бичгүүдийг харахад асуудал илүү гүнзгий бөгөөд

Америкийн автомашин үйлдвэрлэгч General Motors (GM) сүүлийн саруудад V8 хөдөлгүүрийн солих үйлчилгээний хангамж хүрэлцээгүй байгаатай тулгарсаар ирсэн. Гэвч өнгөрсөн долоо хоногт ил болсон пикап болон SUV автомашинуудын томоохон буцаалтын дараа GM-ээс АНУ-ын Замын хөдөлгөөний аюулгүй байдлын үндэсний газарт (NHTSA) өгсөн баримт бичгүүдийг харахад асуудал илүү гүнзгий бөгөөд өргөн цар хүрээтэй байжээ.
30,000 орчим хөдөлгүүрийн гэмтэл бүртгэгдсэн байна
NHTSA нь анхны шалгалтаа 350 орчим хэрэглэгчийн гомдлын дараа эхлүүлсэн ч GM өөрөө нийт 28,102 тохиолдол буюу L87 төрлийн 6.2L V8 хөдөлгүүрүүдийн гол тэнхлэг, холбоос, эсвэл хөдөлгүүрийн холхивч эвдэрсэн гэх дуудлага, гомдлыг 2021 оны 4 сарын 29-нөөс 2025 оны 2 сарын 3-ны хооронд бүртгэжээ. Үүнээс 14,332 нь тээврийн хэрэгсэл хөдлөхөө больсон тухай гомдол байсан нь тус компанийн тайланд дурдагдсан байна.
GM-ийн мэдээлснээр, жолооч нарт эвдрэл үүсэхээс өмнө дараах шинж тэмдгүүд мэдрэгдэж байсан:
Хөдөлгүүрээс гарах тог тог хийх, төмөр мөргөлдөх мэт дуу чимээ
Check Engine гэрэл асах
Хөдөлгүүрийн ажиллах чадвар буурах (түр саатах, өндөр эргэлт, хурд шилжилтийн алдаа, хүч сулрах, эсвэл асахгүй байх)
Аюулгүй байдлын ноцтой эрсдэл үүссэн нь батлагджээ
NHTSA-ийн мөрдөн шалгалтаар GM-ийн тээврийн хэрэгсэл хөдлөх чадваргүй болсны улмаас 12 осол гарсан бөгөөд тэдгээрт 12 хүн бэртэж гэмтсэн байж болзошгүй гэж үзсэн байна. Үүний зэрэгцээ 42 тохиолдолд хөдөлгүүрийн эвдрэлтэй зэрэгцэн гал гарсан гэж GM тайлагнажээ. Эдгээр галын шалтгааныг 100% хөдөлгүүртэй холбож чадаагүй ч үгүйсгэх боломжгүй гэжээ.
Буцаалт ямар тээврийн хэрэгслүүдэд хамаарах вэ?
Буцаалтын кампанит ажил нь 2021–2024 оны Cadillac Escalade, Escalade ESV , Chevrolet Silverado 1500, Suburban, Tahoe , GMC Sierra 1500, Yukon, Yukon XL зэрэг 6.2 литрийн V8 бензин хөдөлгүүртэй автомашинуудыг хамарч байна.
Эдгээр автомашины эзэмшигчид ойрын саруудад дилерүүдээс албан ёсны мэдэгдэл хүлээн авах бөгөөд хэрвээ өмнө нь эвдрэл гарч, өөрсдийн зардлаар засвар хийлгэсэн бол GM-ээс нөхөн төлбөр авах боломжтой. Нэг хөдөлгүүрийг сольж засварлах зардал нь ойролцоогоор 10,000 ам.доллар байдаг тул олон хэрэглэгч нөхөн төлбөр нэхэмжлэх нь тодорхой.