Номхон далайд 3000 автомашин тээвэрлэж явсан хөлөг онгоц шатаж байна — гал цахилгаан автомашинаас эхэлжээ
Тив дамнасан далайн тээвэрт дахин нэг томоохон осол болжээ БНХАУ аас Мексик рүү чиглэн явж байсан Morning Midas нэртэй хөлөг онгоц галд автсан бөгөөд 3000 ширхэг шинэ автомашин тэдгээрийн дотор 800 ширхэг цахилгаан автомашин тээвэрлэж явсан байна Гал зургаадугаар сарын 2 ны өдөр аяллын найм дахь өдөр буюу нийт 19

Тив дамнасан далайн тээвэрт дахин нэг томоохон осол болжээ. БНХАУ-аас Мексик рүү чиглэн явж байсан Morning Midas нэртэй хөлөг онгоц галд автсан бөгөөд 3000 ширхэг шинэ автомашин, тэдгээрийн дотор 800 ширхэг цахилгаан автомашин тээвэрлэж явсан байна.
Гал зургаадугаар сарын 2-ны өдөр, аяллын найм дахь өдөр буюу нийт 19 өдрийн маршрутын яг дунд, Гринвичийн цагаар шөнийн дундаас хойш дэгдсэн байна. Хөлгийн эзэмшигч болох Их Британийн Zodiac Maritime компанийн мэдэгдсэнээр, гал анх цахилгаан автомашинууд байрлаж байсан тавцан дээр гарсан ажээ.
Экипажийн аврах оролдлого бүтэлгүйтэж, гал маш хурдтай тархсан тул хөлөг онгоцонд байсан 22 далайчид аврах завьтайгаа яаралтай орхиход хүрчээ. Тэднийг АНУ-ын худалдааны флотын нэг хөлөг аварсан байна.
Учир нь шатаж буй литийн батарейг унтраах үр дүнтэй арга одоогоор байхгүй — ийм үед тэдгээрийг зөвхөн тусгаарлаж, бүрэн шатаж дуусгах л боломжтой. Энэ нь далайгаар цахилгаан машин тээвэрлэхийг хөлөг онгоцны эзэмшигчид, даатгалын компаниудын хувьд маш эрсдэлтэй болгож байгаа юм.
Цахилгаан автомашинууд их нягт байрлуулсан байдаг тул тэдгээрт гал гарсан тохиолдолд хөлөг онгоцны дотор нэвтрэх, галын голомтыг тусгаарлах бараг боломжгүй бөгөөд ийм үед бүх хөлөг сүйдэх магадлал тун өндөр байдаг.
Үүнээс болж олон тээвэрлэлтийн компаниуд цахилгаан автомашин тээвэрлэхээс татгалзах болжээ.
Ийм төрлийн хамгийн том осол гурван жилийн өмнө Умард Атлантын далайд болсон. Тухайн үед Felicity Ace нэртэй хөлөг онгоцны тээвэрлэж явсан цахилгаан машины батарей өөрөө шатаж, VW группийн 4000 орчим автомашин бүхий уг хөлөг Азорын арлуудын орчимд шатаж, далайн ёроолд живсэн юм.