Атом цахилгаан автомашин 2026 оны 2-р сард худалдаанд гарна
Оросын ldquo Кама rdquo компанийн боловсруулсан цахилгаан автомашин ldquo Атом rdquo ын захиалгыг 2026 оны 2 р сараас эхлэн бүх хэрэглэгчдээс авч эхлэх талаар тус компанийн гүйцэтгэх захирал Игорь Поваразднюк тусгай промо бичлэгтээ мэдэгджээ Тэрээр мөн анхны худалдан авагчид дараа жилийн хавраас зам дээр өөрсдийн ldquo Атом rdquo оор зорчиж

Оросын “Кама” компанийн боловсруулсан цахилгаан автомашин “Атом” -ын захиалгыг 2026 оны 2-р сараас эхлэн бүх хэрэглэгчдээс авч эхлэх талаар тус компанийн гүйцэтгэх захирал Игорь Поваразднюк тусгай промо бичлэгтээ мэдэгджээ.
Тэрээр мөн анхны худалдан авагчид дараа жилийн хавраас зам дээр өөрсдийн “Атом”-оор зорчиж эхэлнэ гэж хэлсэн байна.
Одоогийн байдлаар үйлдвэрийн нөхцөлд ойролцоогоор 50 ширхэг урьдчилсан цувралын “Атом” угсрагдаад байгаа аж.
“Кама”-гийн удирдлагын хэлснээр, “Атом”-ын салоны ашигтай орон зай нь нэг, хоёр ангиллаар дээгүүр байрлах автомашинуудын түвшинд хүрдэг гэнэ. Өөрөөр хэлбэл, жижиг ангиллын автомашин ч дотоод багтаамжийн хувьд илүү том загваруудтай өрсөлдөхүйц.
Мөн “Атом”-ын үйл ажиллагааны зардал бензин хөдөлгүүртэй машинуудаас мэдэгдэхүйц бага байх бөгөөд жирийн хэрэглэгчийн нийт хэмнэлт ойролцоогоор 1 сая рубль (≈ 40 сая төгрөг) хүрнэ гэж Поваразднюк онцолсон. Гэхдээ тэрээр энэ хэмнэлтийн хугацааг нарийвчлан дурдаагүй бөгөөд магадгүй машины нийт ашиглалтын хугацаанд (ойролцоогоор 250–300 мянган км явсны дараа) тооцсон дүн байхыг онцолжээ.
Сануулахад, 2025 оны 12-р сарын дунд үеэс “Атом” цахилгаан машины урьдчилсан борлуулалт эхэлсэн ч одоогоор зөвхөн “КамАЗ” компанийн ажилтнуудад захиалах боломж нээлттэй байгаа юм. “КамАЗ” бол “Атом” төслийн гол хөрөнгө оруулагч билээ.