Италид 8 метрийн урт, 1000 морины хүчтэй седан зохион бүтээжээ
Италийн Aznom Automotive компани L rsquo Epoque нэртэй туршилтын төлөөллийн ангиллын цахилгаан автомашин бүтээсэн бөгөөд энэ загварт кич хэв маяг болон цахилгаан технологийн орчин үеийн шийдлүүдийг хослуулжээ Aznom L rsquo Epoque ийн нийт урт нь 8 метр mdash энэ үзүүлэлтээрээ тэр ПАЗ 3205 автобусаас бүр 1 метрээр урт гэсэн үг

Италийн Aznom Automotive компани L’Epoque нэртэй туршилтын, төлөөллийн ангиллын цахилгаан автомашин бүтээсэн бөгөөд энэ загварт кич хэв маяг болон цахилгаан технологийн орчин үеийн шийдлүүдийг хослуулжээ.
Aznom L’Epoque -ийн нийт урт нь 8 метр — энэ үзүүлэлтээрээ тэр ПАЗ-3205 автобусаас бүр 1 метрээр урт гэсэн үг. Машины даацын бүтэц нь ган “шат” хэлбэрийн рам (ladder frame) бөгөөд магадгүй ямар нэгэн ачааны машины рам дээр суурилуулсан бололтой. Харин дугуйнууд нь хэт нам профильтай резинтэй, мөн 30 инчийн диаметртэй өвөрмөц дизайнтай обудтай байна.
Гэсэн ч энэ “аварга” 4 хаалгатай седан (өндөр нь 1.7 м-ээс дээш ) ийм кузовтой харагддаг нь яг л дор хаяж 5 Мах хурдтай явж байгаад агаар мандлын нягт давхаргад “даруулж хавтгайруулсан” мэт сэтгэгдэл төрүүлнэ. Харин бодит амьдрал дээр олон нийтийн зам дээр үүгээр 200 км/ц хүргэх ч өөрөө эргэлзээтэй санаа гэж хэлж болохоор.
L’Epoque -ийн цэлгэр салоныг 4 хүний суудалтай хийсэн бөгөөд тохижилт нь яг л 5 одтой зочид буудлын зочны өрөө шиг: хагас хэвтээ маягийн зөөлөн оттоман буйдангууд, ханын арабеск хээ, алтлаг өнгөлгөө, мөн төрөл бүрийн ундаа байрлуулах бар , сигар болон бусад тамхины төрлийн зүйлс хадгалах хэсэг хүртэл тусгагджээ.
L’Epoque нь томоохон IT компанийн технологид суурилсан, хиймэл оюун ухаантай дуут туслах системтэй бөгөөд хоёрдогч бортын функцуудыг хариуцан ажилладаг. Харин хөдөлгөөнийг нь нийтдээ ойролцоогоор 1000 м.х гаргах хүчин чадалтай 4 цахилгаан мотор хангана.
Дашрамд хэлэхэд, L’Epoque гэдэг нь франц хэлнээс орчуулбал “Эрин үе” гэсэн утгатай.