Mercedes-Benz-ийн Москва орчмын сэлбэгийн агуулахыг сүүний үйлдвэр болгон өөрчилнө
Сүү сүүн бүтээгдэхүүн үйлдвэрлэгч laquo Логика молока raquo компани хуучнаар laquo Danone Орос raquo Германы Mercedes Benz компанитай Москва мужийн Дмитров дүүрэгт байрлах асар том агуулах цогцолборыг худалдан авах талаар хэлэлцээ хийж байна Энэ тухай РБК бизнесийн эх сурвалжуудаасаа иш татан мэдээлэв Тус агуулах цогцолборыг 2015 онд ашиглалтад оруулсан бөгөөд

Сүү, сүүн бүтээгдэхүүн үйлдвэрлэгч «Логика молока» компани (хуучнаар «Danone Орос») Германы Mercedes-Benz компанитай Москва мужийн Дмитров дүүрэгт байрлах асар том агуулах цогцолборыг худалдан авах талаар хэлэлцээ хийж байна. Энэ тухай РБК бизнесийн эх сурвалжуудаасаа иш татан мэдээлэв.
Тус агуулах цогцолборыг 2015 онд ашиглалтад оруулсан бөгөөд германчууд 70 сая ам.долларын хөрөнгө оруулалт хийжээ. Барилгын талбай нь 50 мянган ам.метр. Эдгээр барилгыг Mercedes-Benz автомашины сэлбэг хадгалахад ашиглаж байсан. Германы концерн 2022 онд Орос дахь хөрөнгийнхөө ихэнх хэсгийг зарсан хэдий ч одоог хүртэл сэлбэгийн агуулахын эзэмшигч хэвээр байна. Mercedes-Benz хэдхэн сарын өмнөөс л агуулахаа худалдан авагч идэвхтэй хайж эхэлсэн бөгөөд тус компани энэхүү хөрөнгөө 6.2 тэрбум рублиэр борлуулахыг хүсэж байна.
«Логика молока» компанид Москва орчмын шинэ объектууд нь нэмэлт сүү, сүүн бүтээгдэхүүний үйлдвэр байгуулахад шаардлагатай байна. Сүүний компанийн эзэмшигч нь Чеченийн Хөдөө аж ахуйн дэд сайд асан Руслан Алисултанов юм гэж бизнесийн хэвлэл мэдээллийн хэрэгслүүд өмнө нь тэмдэглэж байсан.