Автотойм: 1989 Тойота Чайзер
Шөнийн 2 цаг За тэгээд 81 кузовтой Чайзерын тухай тоосонд дарагдсан сэтгэгдлүүдийн буланг жаахан хөдөлгөе гэж бодлоо Үнэндээ энэ машины тухай шинээр хэлэх зүйл бараг байхгүй JDM Японы дотоод зах зээлийн машин д ойрхон явдаг хэн ч байсан энэ машиныг мэднэ Маш сайн мэднэ Гэхдээ одоо 2026 он Хамгийн ldquo

Шөнийн 2 цаг.
За тэгээд 81 кузовтой Чайзерын тухай тоосонд дарагдсан сэтгэгдлүүдийн буланг жаахан хөдөлгөе гэж бодлоо.
Үнэндээ энэ машины тухай шинээр хэлэх зүйл бараг байхгүй. JDM (Японы дотоод зах зээлийн машин)-д ойрхон явдаг хэн ч байсан энэ машиныг мэднэ. Маш сайн мэднэ.
Гэхдээ одоо 2026 он.
Хамгийн “залуу” 81 кузов нь 1992 оных гэж бодоход өнөөдөр 34 настай. Өөрөөр хэлбэл аль хэдийн 40 шахсан хөгшин төмөр.
Амьд үлдсэн нэгийг нь олох ч амаргүй.
Энд би “яаж сонгосон”, “хэрхэн мөрөөдсөн” гэсэн нялцгай түүх бичихгүй.
Зүгээр л яаж 1989 оны машин дээр буусан тухайгаа ярья.
Өнөөдөр Хятадын цахилгаан машинууд дүүрэн цаг үед шүү.
37 жилийн настай машин дээр ирнэ гэдэг бол өөрөө бараг онош.
2025 онд надад Daihatsu YRV байсан.
Гартаа орж ирсэн 76 дахь машин.
Тийм ээ, гайхуулж байгаа юм биш. Зүгээр context.
90-ээд оны кузовтой машинууд л гэхэд бараг 10 гаруй байсан.
YRV бол хөгжилтэй тоглоом шиг жижигхэн, хурдан машин.
Гэхдээ салон нь хэтэрхий хямдхан.
Хэдхэн сар болоод л уйтгартай санагдсан.
Тэгээд өнөөх 90-ээд оны зузаан велюр, хөвсгөр хивс, яг л эцэг эхийн гэрийн хананд өлгөөтэй байсан зузаан хивс шиг мэдрэмжийг дахин барьж үзмээр санагдсан.
Ингээд л 81 кузов руу нүд унасан.
Эцэст нь энэ Чаха гарч ирсэн.
Тэр тусмаа өнөөх алдарт “согтуу салон”-той.
Иймийг хараад өнгөрнө гэдэг бол бараг гэмт хэрэг.
Самурайгаа зарахаар үзсэн.
Зарагдахгүй.
Айдас өснө.
“Энэ машиныг алдчихвал яах вэ?”
Тэгээд 350 мянгын зээл авсан.
Өнөө үед хуучин машин авах гэж зээл авна гэдэг тэнэг санаа.
Гэхдээ зарим тэнэг санаанууд хамгийн зөв шийдвэр болдог.
Ингээд 37 жилийн настай Чаха, 300 мянгын өртэй хамт минийх болсон.
Одоо тэр өрнөөс 65 мянга л үлдсэн.
Харамссан уу?
Огт үгүй.
Одоо машины тухай.
Энэ бол:
81 кузовтой Chaser.
Рестайл дүр төрхтэй ч анхны кузов.
Бүтэн тойрог будсан.
Контракт мотор.
Нэг удаа урд талаасаа цохигдож байсан.
Олон үеэрээ эдлэгдсэн.
Гэхдээ:
амьд.
арчилгаатай.
зэвгүй.
босготой.
өгзөг бүтэн.
комплектээрээ байгаа.
Өөрөөр хэлбэл:
ийм л машин авна.
Мөрөөдөөд байгаа бол бодит байдал нь энэ.
1G-FE мотор.
Автомат.
17-кийн обуд.
AVANTE ком.
Тансаг гэх юм бараг байхгүй.
Электрон самбар байна.
Хаалганы цоож гэрэлтдэг.
Тэгээд болоо.
Руль хүртэл нэг л чиглэлд тохируулагддаг.