Токиод эрчүүдийг ажилдаа шорт өмсөхийг уриалсан ч эмэгтэйчүүд үүнд нь дургүйцэж байна
Японд зуны халууны үеэр Токио хотын захиргаа эрчүүдийг ажилдаа заавал хүрэм зангиа бус илүү чөлөөт хувцас тэр дундаа шорт өмсөхийг уриалжээ nbsp Гэвч энэ санаачилга олон нийтийн дунд маргаан дагуулж байна Зарим хүмүүс шорт өмсөхийг дэмжиж халуунд ажиллахад илүү тухтай гэж үзэж байгаа бол зарим эмэгтэйчүүд үүнийг шударга бус хандлага
Японд зуны халууны үеэр Токио хотын захиргаа эрчүүдийг ажилдаа заавал хүрэм, зангиа бус илүү чөлөөт хувцас, тэр дундаа шорт өмсөхийг уриалжээ.
Гэвч энэ санаачилга олон нийтийн дунд маргаан дагуулж байна.
Зарим хүмүүс шорт өмсөхийг дэмжиж, халуунд ажиллахад илүү тухтай гэж үзэж байгаа бол зарим эмэгтэйчүүд үүнийг шударга бус хандлага хэмээн шүүмжилжээ.
Учир нь эмэгтэйчүүдэд хөлөө ил гаргах бол заавал трико өмсөх зэрэг тодорхой шаардлага тавьдаг бол эрчүүдэд ийм шаардлага тавьдаггүй гэж үзсэн байна.
Мөн зарим эмэгтэйчүүд эрэгтэй ажилтнуудын хөлийн үс харагдах нь таагүй байдаг гэж шүүмжилж, цахим орчинд үүнийг “sunehara” буюу “хөлийн үсний дарамт” хэмээн нэрлэх болжээ.
Үүнээс нь болж гоо сайхны эмнэлгүүдэд лазераар үс авах үйлчилгээ сонирхох эрэгтэй үйлчлүүлэгчдийн тоо нэмэгдсэн байна.
Энэ жил Япон улсад сүүлийн жилүүдэд тохиож байгаагүй хэт халуун өдрүүд үргэлжилж байна. Цаг уурын байгууллага 40 хэмээс дээш халалттай өдрүүдэд сэрэмжлүүлэг гаргаж эхэлсэн.
Энэ сарын 6-12-ны хооронд гэхэд халууны улмаас долоон хүн нас барж, 4580 хүн эмнэлэгт хүргэгдсэн байна.
Эх сурвалж: ВВС