Москва хотын автомашин угаалгын газрын ажилтнууд үйлчлүүлэгчийн Porsche-г унаж зугаалахаар явж зам тээврийн осолд оржээ.
Москва хотын автомашин угаалгын газрын 35 настай ажилтан үйлчлүүлэгчийн автомашиныг хууль бусаар эзэмшиж улмаар хохирол учруулсан хэрэгт сэжиглэгдэн баривчлагджээ Хохирогч цагдаад мэдүүлэхдээ өөрийн Porsche Taycan автомашиныг хотын нэгэн автомашин угаалгын газарт үлдээсэн байна Хожим нь нэг ажилтан нь хамт ажиллагчтайгаа хамт машины түлхүүрийг авч зугаалахаар явжээ Тэд явах замдаа зам

Москва хотын автомашин угаалгын газрын 35 настай ажилтан үйлчлүүлэгчийн автомашиныг хууль бусаар эзэмшиж, улмаар хохирол учруулсан хэрэгт сэжиглэгдэн баривчлагджээ.
Хохирогч цагдаад мэдүүлэхдээ, өөрийн Porsche Taycan автомашиныг хотын нэгэн автомашин угаалгын газарт үлдээсэн байна. Хожим нь нэг ажилтан нь хамт ажиллагчтайгаа хамт машины түлхүүрийг авч, зугаалахаар явжээ.
Тэд явах замдаа зам тээврийн осол гаргаж, үйлчлүүлэгчийн автомашиныг гэмтээгээд, юу ч болоогүй мэт дүр үзүүлэн машиныг буцааж зогсоолд нь оруулжээ. Автомашин хэр их гэмтсэн нь тодорхойгүй байгаа ч хохирлын хэмжээ 3 сая рубль гэж үнэлэгдэж байна. Дотоод хэргийн яамнаас нийтэлсэн бичлэгээс харахад, аяллын оролцогчдын ядаж нэг нь гартаа лонх барин ганхаж явсан нь харагдаж байна.
Баривчлагдсан этгээд нь Тверь мужийн 35 настай иргэн юм. Тэрээр гэм буруугаа хүлээн зөвшөөрч, үйлдсэн хэрэгтээ гэмшсэн байна. Түүний эсрэг бүлгээр автомашиныг хууль бусаар эзэмшсэн эсвэл онц их хэмжээний хохирол учруулсан гэх зүйл ангиар хэрэг үүсгэжээ. Хамгийн дээд ял нь 10 жил хүртэлх хугацаагаар хорих ял юм.